تأشيرة تركيا – فيزا تركيا ..الخطوات ورابط التقديم ✅

تأشيرة تركيا
تأشيرة تركيا
هجرة –  صوت ألمانيا/كتب خالد عبد الكريم/ 1- التقديم على الفيزا يكون من خلال السفارة التركية .
2- بتروح السفارة التركية  الساعة من 7 الي 8 الصبح تسجل اسمك لترتيب الأسماء اللي في الكشف.
بعد ما الطابور يترص باب السفارة التركية يفتح الساعه 9.30 ويدخلوا الناس وانت داخل بتتفتش, وتسيب الموبايل بتاعك, ويديك ورقة بيه, ويديك الأبليكاشن الفاضي، ويديك رقم علشان ينادوك بيه.
تاشيرة تركيا
– تدخل السفارة التركية  تملا الأبليكاشن بالإنجليزي طبعًا والساعة 10 ينادوا على الأرقام، بينادوا كل 5 أرقام مع بعض, لو الأوراق أوكي بيقولك إدفع ويديك رقم ويقولك بعد 3 أيام تعالى من الساعة 2 إلى 3 خد الجواز.
3- استمارة السفارة التركية اللي بتاخدها علي الباب بتكون بالإنجليزي، وهتلاقي جوه السفاره حاطين نسخ ترجمة ليها بالعربي، يعني ممكن تقرأ بالعربي، و تملا استمارتك بالإنجليزي وتكتب فيها كل بياناتك وسبب الزيارة ومدة الزيارة بطريقة صحيحة من غير أفلام.
وبلاش تكتب أي كلام وانت بتقدمها للموظف، خليك صريح في إجابتك وثابت, عامة هم مش بايخين في الأسئلة وبيسألوا أسئلة سهلة وبديهية جدًا.اماكن سياحية في تركيا
الاوراق المطلوبة لـ تاشيرة تركيا في السفارة التركية
4- بالنسبة للأوراق المطلوبة بتكون أوراق حجز تذاكر الطيران ذهاب وعودة.
بتقدم حجز فندق فى تركيا طول فترة الزيارة ودي بسيطة جدا ممكن تحجزها أون لاين من أي موقع بيقدم حجز فنادق مثلا www.booking.com وميزة الموقع ده إنك ممكن تلغي ببلاش الحجز, أو ممكن تحجز هوتيل :
كشف الحساب لـ تاشيرة تركيا
5- طبعًا بالنسبة لكشف الحساب هم مش زي أوروبا بيدققوا فيه قوي إنما لازم يكون مر عليه 6 أشهر ويكون فيه حركه سحب وإيداع كثيرة إنشالله أي مبلغ تسحبه أو تحطه ويكون فيه رصيد معقول ممكن 20 ألف أو حاجة وممكن أقل أو أكثر مفيش مقياس لأن الكشف مع باقي الورق بيفرق مع موظف السفارة التركية
والإتش آر ليتر بتاعك لو موظف بتقدمه، وبيكون فيه الراتب وتاريخ التعيين والوظيفة ولو موظف السفارة التركية شك إن الإتش آر ده مضروب أو شاكك فيه أو شركة أي كلام شغال فيها، هيقولك هات لي بقى ورقة من التأمينات إنك متأمن عليك ومبلغ التأمين اللي بيدفع.
وطبعا لأن لو الجواب مضروب أو شركه مش بتدفع لك تأمين يبقي اتكشفت ولو حاطط مبلغ مرتب مختلف عن مرتبك اللي بيدفع عليه تأمينات هيبان لأن التأمينات الاجتماعية بتكون نسبة من المرتب فسهل موظف السفارة التركية  يعرف مرتبك من التأمينات بتاعتك.

الفيزا التركية
6- صورتين 4*6 عاديين أي صورتين، وهم بياخدوا الصورتيين وبيرجعوا لك صورة منهم وانت بتستلم الجواز.
7- لو طالب خطاب من المدرسة أو الجامعة إذا كان المتقدم طالبًا. “شهادة قيد من شئون الطلبة”.
8- إذا كان المتقدم صاحب عمل يقوم بتقديم السجل التجاري والبطاقة الضريبية. كشف حساب البنك و كده.
9- تمن الفيزا بتدفعهم كاش فى السفارة التركية
التصريح الامني
10- لو انت فوق 20 سنة وأقل من 40 سنة أو حتي ست بتضطر للأسف إنك بتعمل تصريح أمني، والأوراق المطلوبة (صورة الفيزا- صورة الباسبور) .

معلومات مهمة عن تاشيرة تركيا
– لو انت سنك أقل من 20 سنة وأكبر من 45 سنة بتقدم على الفيزا الإلكترونية من هنا: http://bit.ly/1N9za2d
فرصة زيارة تركيا
شروط الفيزا  التركية الإلكترونية:
1- يكون معاك حجز فندق بالفترة اللى هتقعد فيها فى تركيا ومبلغ 50$ على كل يوم.
2-  تذاكر طيران ذهاب وعودة .
3- غرض السفر يكون السياحة ويكون جواز سفرك صالح لمده 6 أشهر.
4-  بتدفع أون لاين تمن الفيزا 20 دولار عن طريق كريدت كارت.
5- الفيزا بتطبعها بتكون ورقه وبتكون صالحة 6 شهور من تاريخ إصدارها ومسموح لك تقعد 30 يوم بس في تركيا.
بوابة السفر و السياحة في تركيا
استخراج فيزا تركيا
6-  لو انت معاك فيزا الاتحاد الأوروبي (شنجن)، صالحة يعني لسه سارية، حضرتك ممكن تحجز التأشيرة أون لاين بـ 20 دولار مهما كان سنك ونفس الموضوع ينطبق على فيزا أمريكا لو معاك.
7- لو انت معاك تأشيرة تركيا قبل كده ولا تقدم أي أوراق بس جواز السفر بتاعك وخلاص لأنه أول سؤال بيسألك معاك تأشيرة تركيا قبل كده.
لما تقوله معايا بيدور عليها في الباسبور ويكتب رقمها في الأبليكاشين بتاعك، ومبيطلبش ورق لأنه بيرجع لملفك اللي عندهم برقم التأشيرة اللي كتبه.
8- لو الست طالعه مع جوزها مش لازم هي تروح أصلا ممكن الزوج يقدم جواز سفرها مع جواز سفره عادي جدا.
فيزا تركيا

9- أهم شيء إن السفارة التركية مش بتدي رفض على الجواز لو هي مش مقتنعة وانت واقف تقول لك هات لي ورقة كذا أو كذا، وتعالى تاني.
وطبعا مش بتدفع مصاريف الفيزا، تروح تكمل الورق وترجع تاني ليهم في يوم تاني تقدم، وعلى فكره ممكن تروح وتيجي كذا مرة خصوصًا أصحاب السجلات التجارية أو اللي باسبوره فاضي….المزيد

لمتابعة جميع أخبار ألمانيا فور حدوثها وروابط اللجوء ولم الشمل والتواصل واستشارتنا مباشرة يسعدنا اعجابكم بالصفحة الجديدة بالفيسبوك من هنا أو عبر الرابط التالي https://www.facebook.com/germanyvoice19/

اضغط على الروابط للوصول الى : مواقيت الصلاة في جميع مقاطعات ومدن ألمانيا//////الصفحة الرسمية لأخبار ألمانيا بالفيسبوك ///منح دراسية مجانية ////روابط الهجرة واللجوء لكندا////// فرصة العمل في ألمانيا ///// خدمة المستشار القانوني ////لم الشمل//// وظائف وفرص عمل بالخليج العربي///// الهجرة واللجوء لألمانيا /////أخبار الرياضة ////فرص الهجرة واللجوء والعمل بالسويدالبث المباشر والحي لأسعار العملات في ألمانيا لحظة بلحظة -اضغط هنا - التحديث كل ثانية

You may also like...

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

error: Content is protected !!